Barakaldo nazionalen eskutan erori ondoren, martirien eta eroritakoen oroigarri eta elementu ugari eraikitzen hasi ziren, dimentsio fisiko eta presentzia nabaria hartuz. Aldiz, espazio publikotik kanpo geratu ziren biktima errepublikanoak gogoratzeko edozein erreferentzia edo aukera isildu eta ezkutatu egin zituzten. Gaur egun, Barakaldon, Francoren biktimen aldeko aztarna batzuk daude oraindik , nahiz eta ia ikusezin bihurtu diren herritarrentzat, neurri batean abandonaturik daudelako eta haien inguruko gizarte-jarduerak erabat desagertu direlako.
Gerra Zibileko eta Francoren diktadurako biktima errepublikanoek, ordea, hamarkada luzetan ahanzturara kondenatuta egon diren arren, alderantzizko ibilbidea egiten ari dira batez ere azken urteotan. Hainbesteraino, non badiren Gerra Zibileko eta Francoren diktadurako biktimak erreparatu eta aitortu nahi dituzten lekuak Barakaldon, haiekiko betebehar morala bete nahian.
