Hainbat aldiz bonbardatu zuten Barakaldo. Hala ere, gai honi buruzko datuak nahasiak dira. “Oroimenaren arrastoak” atalean, gutxienez, 1936 eta 1937ko dozena bat bonbardaketa biltzen dira: 1936/09/25, 1936/11/17, 1937/04/22, 1937/04/23, 1937/04/29, 1937/04/30, 1937/06/05, 1937/12/05, 1937/05/19, 1937/06/13, 1937/06/18, 1937/06/19.
Ikus daitekeen moduan, bonbardaketak areagotu egin ziren Elizatea erori zen arte, batez ere, apirilean, maiatzean eta ekainean.
Biktima kopuruari dagokionez, datuak ez dira oraindik behin betikoak. Eusko Jaurlaritzak, guztira, 30 hildako eta 22 zauritu ematen ditu Barakaldoko udalerrian.
Bonbardaketek eragindako kalteen ondorioz, Udalak berebiziko ahalegina egin behar izan zuen etxebizitzarik gabe geratu ziren familiei etxebizitza emateko eta herritarrentzat babesleku seguruagoak eraikitzen hasteko.
Hemen aipatutako babeslekuez gain, zenbait iturriren arabera, herriko hainbat auzotan babeslekuak daude, baina ez dago horien aztarnarik.
