Lanaren Konfederazio Nazionala

Gertaeren deskribapena

Sindikatuen
Data : –
Helbidea :Portu kalea, 14 -1.a

XIX. mendearen amaieran hasi ziren zabaltzen Nerbioi Ezkerraldean ideologia anarkistako taldeak. Asko izan ziren hurrengo mendeko lehen herenean lantegi-herrian arrakasta izan zuten anarkismoan inspiratutako gizarte erakundeak.

Adibide pare bat: Esperantista Taldea, oraindik ere bizirik dirau; Vilallonga plazan du egoitza. 1908an sortu zen. Eragin anarkista beraren pean sortu zen 1918an, Mikel Aizpururen arabera, Vizcaya Vegetarian-Naturist Society elkartearen adar barakaldarra.

Izaera politikoagoarekin sortu zen Barakaldo Langileen Ikerketarako Zentroa XX. mendearen hasieran. 1912an, Euskal Eskualdeko Talde Libertarioen Federazioa jaio zen herrian.

Nukleo anarkista horiek garatu izanaren ondorioz, ez da harritzekoa Barakaldon izaera horretako erakunde sindikal eta politikoak agertzea. 1919an, Bizkaiko Burdin Artearen Sindikatu Berezia sortu zen udalerrian, CNTri lotutako lehen erakundea.

Hain zuzen ere, 30. hamarkadan, erakunde horren sukurtsal bat zegoen lantegi-herrian, Portu kaleko 14ko 1. solairuan, Iberiar Federazio Anarkistaren sukurtsalarekin partekatzen zuena. Garrantzi handiko sindikatua zen – 1.000 kide baino gehiago zituen Barakaldon – ikuspegi sindikaletik ez ezik, politikoki ere Gerra Zibilak iraun zuen bitartean.
Gatazka piztearekin batera, 1936ko abuztuaren 26an Salestarren eskola okupatzera ere iritsi zen CNT, bere batailoi bateko kuartel gisa erabiltzeko.

ITURRIAK :
AIZPURU, Mikel (2010). Barakaldo, industria hiria: goraldia eta sendotzea (1900-1937). I. liburukia. Bilbo: Beta III Milenio, DL